De Velofahrer a ds läbige
U we mer is scho uf ds Tiefbouamt hei ygschosse: Vor nes paar Jahr hei sy ja en Aktion gstartet für d Velofahrer i dere Generation usdsrotte: Velofaue bi de Tramhautsteue. Das isch das Arrangschmo wo der Velostreife plötzlech ufhört u me der 10cm höch Trottoirrand i syre Spur vor sech hett, me nach linggs vor nes Outo mues uswyche u de wi der Odysseus zwüsche Skylla (Trottoir) und Chariptis (Tramgleis) imne 40cm breite Streife darf dürebalanciere. Bravo, würklech guet gmacht, d Velo aus Verchehrsberuhiger ygsetzt, Pedau-Schtogufaue rächts u Pneuychlemmer linggs u no chli linggser d Outo mit fletschende Zähn u hinger eim ds Tram mit emne Brämswäg vo 14m.
April 30th, 2007 at 12:41 pm
Wow, dr Sidi isch i Schrib-Luune!
.
E settigi Schtogufaue git’s zum Bischpiu ar Muristrass, bir Wäutposcht-Tramhautsteu. Dert ziehni’s aube vor, am Tram dr Vortrott z’lah, anstatt mi vornedrann no schnäu düre z’zwänge. Aber bi de Outo bini zimmlech unerbittlech. Die hei ja o dr chürzer Brämswäg
April 30th, 2007 at 4:38 pm
Iu, genau dert, u zwar i beidne Richtige. U no viu meh…
April 30th, 2007 at 4:57 pm
äs angers bischpiu: seftigestrass im wiisebüeu… !
bi vori grad drüber gstoglet oder nei, nid ganz, aber ha mi einisch meh mächtig ufgregt über die hürde für armi velofahrerinne…
…und woni chürzlich wäg so me-ne rand uf ds trottoir bi uswiche het mer ä aute maa mit em erhobene schirm droht und nachebäuet ii sig doch “äs huere arschloch”
haiaiai, ds hütige auter!
April 30th, 2007 at 11:40 pm
Dä kennen i nid, aber dert hets doch o dä Kreisu mit de Betonsegmänt wo eso Pfyle usgspart sy? (Kreisle si es angers dankbars Thema zum Veloblogge…)
May 1st, 2007 at 7:35 pm
genau dert
!
ja, ds gfährliche kreisu-fahre isch immer wider es thema wärt… aber sicher ou us der perspektive vor outofahrerin (wo nii bruefsbedingt mängisch bii)
isch zwar uuuuuraute iitrag aber hie:
http://rah.freeflux.net/blog/archive/2007/04/30/?q=kreisel
… das bisch villich duu gsii?
May 1st, 2007 at 7:42 pm
Nä-äh, das bi definitiv nid i gsy, i fahre nume verchehrt i Kreisle yne, wen i sicher bi, das nüt da isch, nüt chunnt, us niemer gseht.
A propos fründlechi Mitmönsche wo eim mit Schlämperlige zuedecke: http://indermuehle.net/2006/07/15/gerichtskreistour-vii-und-viii/