1.13.26
Geschter isch der GP ds Bärn gsy u i bi eine vo dene turnbeschuehte Sunnebrüuetreger gsy, wo sech vom Wankdorf ufenes schöns aber herts Ründeli hei gmacht. Nach 1h13min26sec bin i im Wankdorf zrugg gsy, bi sehr zfride.
Am Aabe hei mer ds zwöite Konzärt vom Variaton-Orchester gha. O das isch sehr guet cho, aber i has ar Konzentration aagmerkt dasi vorhär scho chli öppis ha gmacht gha. Im Le Boef Sur Le Toît han i i eire vo dene 32 Takt länge Pouse es Blackout gha, zum Glück het mi der Fritteli wider ufe richtig Wäg gfüert. U der Ramax het aus gäh!
May 15th, 2007 at 12:14 pm
hey, 1,13 isch ja sensationell!!! gratulation
ig säuber ha mit drum drückt und warte wider uf ä nöchscht frouelouf, dä isch nume 5 km.
hochachtungsvoll, frau rah
May 15th, 2007 at 2:28 pm
Merci!
Ds nächschte Ziu isch der Gryffeseelouf im Septämber, bis denn wett i mini Kilometerzytte düttlech unger 4:30 bringe.
Gib aus füre Frouelouf!
May 14th, 2008 at 11:07 am
[…] mau en Überschrift im Blog isch gsy, het sech der Fritteli no möge psinne, was i letscht Jahr am GP für ne Zyt ha gha. U […]