Intelligänts Design
Wes bymne Produkt kener Verbesserige me gitt, isch doch das es Zeiche, das es usgryft isch u sech düregsetzt het u niemerem öppis bessers i Sinn chunnt. Niemer nörgelet me drann ume, me chas la sy wis isch u es isch guet eso, u dadermit wär das Produkt, me chas säge: Perfekt. Vouändet. Unüberträfflech. Intelligänt disäint.
Letschti isch mer eso eis übere Wäg glüffe, u wüu de we de das lisisch scho ds Häugeli ungernache gseesch, weisch itz o scho, was für eis, aber glych: gnau gno zwöi Mau letschti sy mer söttigi übere Wäg glüffe: Bim grand Prix ischs mer ufgfaue, u bim bim Bantiger scho wider: Trinkfläsche gse sitt 10 Jahr glych us. Lug einisch:
Linggs isch eini won i sitt sicher 10 Jahr ha, rächts die wos bim GP het gäh. Tupfgenauglych, der glych Pfnüggu obe, di glyche Kerbe am Techu, di glych gschwungni Tallie. Schlicht perfekt.
U d Morau vor Gschicht? Intelligänts Design isch für Fläsche.
June 20th, 2007 at 8:31 am
E absolut geili Morau vor Gschicht!
June 20th, 2007 at 9:15 am
Isch Morauphilosophie nid öppis wunderbars, mit de mässerscharfe Argumentatione und de zwingende, zämehängende Schlussfougerige!
June 24th, 2007 at 12:53 am
So tumme Leute! Und so viele davon!…
Es gibt soooo viele dumme Leute! Und die meisten von denen haben ein Käppi auf fünf-vor-elf gestellt, das ihnen alle Hirnzellen einengt, weshalb das Denkorgan nur auf einem zehntel der ohnehin höchst beschränkten Kapazität arbeiten kann. Dies f….