E Pögg wo putzt
Vor ere Wuche isch mys nöje Hustierli vo Amerika cho: e Roomba, e Putzroboter, wo usgseht wien e grosse Iishockey-Pögg. Der Beschrybig nache fahrt er allei ir Wohnig desume u sugt u bürschtet aus, won ihm i Wäg chunnt. Orientiere tuet er sech mit Putsch- und Infrarotsensore. Stägetritte bemerkt er mit de Klippe-Sensore, wo ne aahaute, wen er d Nase über ne Abhang use het. Putze tuet er mit emne Syttebäseli, zwone Bäsewauze und emne Suger.
Bym Stromaaschluss hets ds erschte Gnifu gäh: Ds Netzgrät us Amerika vertreit nume 110 Volt. En originau Trafo für 220 Volt chönnt me bsteue, aber werum choufe, was me cha häcke: Im Roombaforum uf em Internet isch der Umbou beschribe.
Mit emne Druck uf e «Clean»-Chnopf macht sech der Pögg uf e Wäg dür ds Wohnzimmer. Ds erschte Mau het er sech nach es paarne unsichere Kurve entschide, Richtig Büechergsteu los z sure. Vor der erschte Wang het er brämset u isch ganz süferli dra häre, het sech drääit u isch ere entlang gfaare. I Cherzeständer, wo ihm im Wäg isch gstange, isch er vou Garacho yne gfreeset, aber nach ere Voubrämsig het er rund um ne ume putzt und isch wyter der Wang entlang. Nach ere haub Stung isch ds Wohnzimmer tipptopp suber putzt gsy, und är het sech mitere Fanfare ufe Wäg zur Ladestation gmacht.
D Navigationsfähigkeite sy erstunlech, aber charakterlech het er e Tendänz, sech z überschetze. Er isch e Spur z abentüürluschtig, wen er es Hindernis wott erchlättere. U wüu d Klippe-Sensore der Ungerschid zwüsche Absätz, won er cha drüber styge, u söttige, wo z höch sy, nid erkennt, isch er o scho i d Chuchi gfaare u nümm usecho.
Nach ere Wuche wett i ne nümm misse, d Wohnig glänzt, u i ha mi sehr an e gwöhnt: I grüessen e, wen i hei chume, luege, ob er gnue Strom het, u schimpfe, wen er e Cherzeständer aagryft oder es Stueubei wott bestyge. E Roomba chouft me nid, me adoptiert ne. Är het übrigens no ke Name, wär e gueti Idee het, cha mer da unger e Kommentar schrybe.
May 13th, 2008 at 6:39 pm
hallo sam!
dini gschicht ir zytig het mit ufgschteut: uf bärndütsch witzig d’zuekunft (und d risike) vo putz-erliechterige beschribe - bi däm $-kurs sött i fasch o zuegryffe!
gruess, chützu.
May 14th, 2008 at 9:34 am
der name füre pögg:Gerry
May 14th, 2008 at 9:40 am
ICH WÜRDE DEN PUGG (PUTZPETER) NENNEN ! WEIL DAS EINFACH PASST
May 14th, 2008 at 9:44 am
heeey isch ja krass dä putzer….. =)
iii würdii nä lilush nennä!!!!
May 14th, 2008 at 9:44 am
i würd nä putzclon nenä
May 14th, 2008 at 9:45 am
do los es dis putzchäreli fingi suuupa aber ä besserä name chönnter scho ha z.b. jojo oder fritz,peter und kadi wär doch öpis oder?????????????????
May 14th, 2008 at 9:45 am
Heeeeeeeeey cools Ding dini Putzmaschine :p !!!
Füre Name häteremer da so nä Idee: ROOOOMBIII
Viu Spass no mit dire Super-Maschine.
Liebi grüess Nicä u Dänälä
May 14th, 2008 at 9:47 am
Hellow…
di dings… *pögg*
chönntsch doch
Staubschnörre
nenne
May 14th, 2008 at 9:49 am
die *pögg*chönsch ja rombo nene wär doch öppis!!
May 14th, 2008 at 9:49 am
De Pögg söt e wibleche name ha wöu er ersetzt e frou ich würd ihn MARIANNE nenne !! lg
May 14th, 2008 at 9:52 am
I würd name vom Roombo, Raumboter (Roboter) nenne.
May 14th, 2008 at 9:54 am
Hoi Sämi di text über di pögg finde ni supaaa!!!!!!!!!!!! ig würdne putznu.^üte
May 14th, 2008 at 9:55 am
Do los eis, dis Putzchäreli isch so suuuuuubbbiiii! Ig würd ihn Putz nute
May 14th, 2008 at 9:56 am
odr PLAYBOY wärii doch o kuul hehe..
May 14th, 2008 at 9:57 am
HAAAAA!
mir sis schowider
:D:D:D:D
hei nurno wele mälde das di blog ooba tollig isch… nur chli schwirig zum läse!! lg :D:)
May 14th, 2008 at 10:19 am
Roombito en Español!
May 14th, 2008 at 10:34 am
Merci öich aune für öji Vorschleg!
Lilush isch sehr süess! Gerry passt o irgendwie zuen im. Roombii und Roombito fingen i o sehr passend, Rombo oder Roombo isch e cooli Idee, aber er het chli zweni Mukis für dä Titu. Roombito gfaut mer o, passt zu syre Grössi.
@Alain: Offizieu mues i itz natürlech entsetzt sy über diner sexistische Aasichte! (Unger üs: Geile Schpruch! Marianne geit aber nid, so wird der Gschirrschüpeler heisse. Muahaha.)
@Lir und Mää: Vile dani für d Blueme! Dialäkt läse isch am Aafang chli eklig, aber me gwühnt sech u schnäu dra! We der chli weit Dialäkte läse, de lueget doch einisch di alemannischi Wikipedia a: http://als.wikipedia.org/ .
I la mer di Vorschleg chli la düre Chopf gah u schrybe gly, für was i mi entscheide.
Bis denn…